De aue Liehrer Hahnemann
von G. Staas
De aue Liehrer Hahnemann
Trog dur et Feld op Hensberg an.
Der Weg geng tösche Kor on Weet,
Et wor su stell, et wor su heet.
Der Liehrer stapde met der Steck,
Op emol krieg he ene Schreck.
Do ene Has! - On wat wor dät?
Do en et Kore ruschde jet,
On op der Wäg, do steng op ens
Et Kübke on de klene Fränz.
Si kieke stomm der Liehrer an
On der Liehrer Hahnemann,
De wor genau su paff wie die
On reep: “Nanu, wat jöft dät hie?
Wat lopt ihr hie su krütz on queer
On trampelt Weet on Kore neer?
Hi op der weg, - neet en et Feld, -
Do lopt herom, su völ ihr wellt.
On wenn ihr geer e Häske häut,
Krit öch en Hand voll Saut on streut
E weneg op de Hasestart,
On dann hatt ihr dät Häske fatt.
Mar ongesch, - on dät wet ihr jo, -
Es Hasefange strong verboe.”
Die twie, - die kieke sech ens an
On dann der Liehrer Hahnemann. -
“Heer Liehrer”, sät de kleene Fränz,
“Heem en et Dörp, de lahme Lenz,
De öch, - su en de Donkelheed
All ens e Häske brenge deet,
De es doch all su stief on aut, -
Föngt de die Hase och met Saut?”
De aue Liehrer Hahnemann
Trog dur et Feld op Hensberg an.
Kommentare
Es wurde noch kein Kommentar hinterlassen. Du könntest der Erste sein…
Hinterlass einen Kommentar!
Sei höflich und on-topic. Zeig mit einem Gravatar, wer du bist. Name und E-Mail-Adresse sind erforderlich. Deine E-Mail-Adresse wird aber nicht angezeigt oder an nigerianische Geschäftsleute weitergegeben…
